ލިޔުނީ: ޝިފްޒާން އަޙްމަދު
މިއަދު އަޅުގަނޑު ކޮލެޖަށް ދިއުމަށްފަހު ގެއަށް އައިސްވަނުމުން އެންމެ ފުރަތަމަ އަޑުއިވުނީ ޝައިޚު ޝަހީމް، އިސްލާމިކް އެފެއަރޒްގެ ދައުލަތުގެ ވަޒީރުގެ މަޤާނުން އިސްތިއުފާދެއްވި ވާހަކައެވެ. ސަރުކާރުގެ ސިޔާސަތުތައް ތަންފީޒުކުރައްވާ އެސިޔާސަތުތައް އެކަށައަޅުއްވާ ހިސާބުގައި ހުންނެވި ޤާބިލް ވިސްނުންފުޅު ތޫނު ކުޅަދާނަ ބޭފުޅަކު އިސްތިއުފާދެއްވި ވާހަކައެވެ. އެހެންނަމަވެސް އަޅުގަނޑު އެކަމަކާ ހައިރާން ނުވިއެވެ. އަދި ސުވާލެއްވެސް ނުއުފެދުނެވެ.
ޝައިޚު ޝަހީމުގެ އެނިންމެވުމަކީ ޒިންމާދާރު ނިންމެވުމެކެވެ. އެހެނީ ސަރުކާރުގެ އެތެރެ ކޮއެލުގައި ހުންނަވައިގެން ސަރުކާރަށް ފާޑުވިދާޅުވުމަކީ ސިޔާސީ ހަމަތަކުން ޒިންމާދާރު ގޮތެއްކަމުގައި ނުވާނެއެވެ. ސަރުކާރު އިނދިކީލަވަމުން ދަނީނަމަ، ސަރުކާރަށް ފާޑުކިޔަން ޖެހިދެއެވެ. އެހެނަސް އެންމެ ރަނގަޅު ގޮތަކީ ސަރުކާރުގެ އެތެރެއިން ރަސްމީ މަގުތައް ބޭނުންކޮށްގެން އިޞްލާޙުގެ މަގު ސަރުކާރަށް ދައްކައިދިނުމަށް މަސައްކަތްކުރުމެވެ. ޝެއިޚު ޝަހީމުގެ ބައެއް ވާހަކަފުޅުތަކުން އެކިމިންވަރަށް އެމަސައްކަތްކުރެއްވިކަން އަޅުގަނޑުމެންނަށް އެގެއެވެ. އެހެންނަމަވެސް އެމަސައްކަތުން ނަތީޖާއެއް ނުނުކުތުމުން ސީދާ ޙަރަކާތަށް ވަޑައިގަންނަވަން މަޖުބޫރުވީއެވެ. މިފަދަ ޙާލަތުގައި އެންމެ ރަނގަޅު ގޮތަކީ ސަރުކާރުން ވަކިވެވަޑައިގަތުމެވެ.
ކުރުކޮށް މިދެންނެވުނީ ޝައިޚުގެ ނިންމެވުމަށް އަޅުގަނޑު ތާއީދުކުރާ ވާހަކެވެ. ދިވެހި ސިޔާސީ މަސްރަޙުގައި ސިޔާސީ ކަންކަން ނިމެމުން ދާގޮތަށް ބަލާއިރު، މިސަރުކާރަކީ އެތެރެ ކޮއެލުގައި ތިބެގެން އިޞްލާޙުކުރެވޭނެ ސަރުކާރެއްނޫނެވެ. ކަމެއް ހެޔޮމަގަށް އަޅުވަން ބޭނުންވެއްޖެނަމަ، ނުވަތަ ކަމެއް ޙާޞިލުކުރަން އެދޭނަމަ، ނުވަތަ ސަރުކާރުގެ ވެރިންނަށް ކަމެއް އަންގަން ބޭނުންނަމަ، ޖެހޭނީ މުޒާހަރާކުރާށެވެ. އަޑުގަދަކުރާށެވެ. އެއުޞޫލަށް ކަންކޮށްގެން ނުހުއްޓުނުނަމަ، ނުހުއްޓުނީއެވެ. ރަލުގެ ކަންތަކުގައާއި، މަދަނީ ޚާދިމުންގެ މުސާރައިގެ މައްސަލާގައާއި، ކަރަންޓު އަގުބޮޑުވުންފަދަ މަދަނީ މައްސަލަތަކުގައިވެސް ފެނިގެންދިޔައީ މިދެންނެވި މަންޒަރު ނޫންތޯއެވެ؟
ދެން އޮތީ ޝައިޚުގެ ނިންމެވުމުން އެނގޭ ކަންކަމެވެ. ސަރުކާރުގެ ދީނީ ސިޔާސަތުގައި މައްސަލަތަކެއް އުޅޭކަމެވެ. ނުވަތަ ޖުމްލަކޮށް މުޅި ސަރުކާރުގެ ސިޔާސަތުގައި ބޮޑެތި މައްސަލަތަކެއް ހުރިކަމެވެ. މިދެންނެވުނީ ޚާރިޖީ ސިޔާސަތުތަކާއި ދާޚިލީ ސިޔާސަތުތަކާއި އަދިވެސް ސަރުކާރުން އެކަށައަޅާ ތަންފީޛުކުރާ ސިޔާސަތުތަކުގައި ދީނުގެ ބަހެއް ހޯދުމެއް ނޯންނަ ވާހަކައެވެ. އިސްލާމީ ޢަރަބި ތަޢުލީމު ގިއްގަޅުވައިލައި އިނދަޖައްސަމުންދާ ވާހަކައެވެ. އިސްލާމީ ޙަރަކާތްތެރިން ޣާފިލުކަންމަތީ ތިއްބައި ޤައުމުން ކުދިކުދިކޮށްލަމުންދާ ވާހަކައެވެ.
ރައީސް ނަޝީދު ކުރިންވެސް ވިދާޅުވެފައިވަނީ ޚާރިޖީ ސިޔާސަތަކީ ދީނާ ބޭހޭކަމެއް ނޫންކަމުގައެވެ. އެއީ އެމަނިކުފާނަށް ރަނގަޅަށް ދީނުގެ ޙަޤީޤީ ތަނަވަސްކަން އެގިވަޑައިނުގަންނަވާތީކަމަށް ލަފާކުރެވެއެވެ. އެހެނަސް އެޖާހިލުކަމުގެ މަތީގައި ސިޔާސީ ބިނާއެއް ބިނާކުރެވިއްޖެނަމަ، އެއީ މައްސަލައެއްނޫންތޯއެވެ؟
ނުލާހިކު ތަނަވަސް ޢިމާރާތެއްގައި، ނުލާހިކު ހަރުދަނާ ހިންގުންތެރިކަމެއްގެ ދަށުގައި ކިޔަވަމުންދިޔަ، ކުއްލިއްޔާގެ ދަރިވަރުން ޢަރަބިއްޔާގެ "ބާ" ޢިމާރާތުގެ ތެރެއަށް ބަދަލުކުރީ، ދުރަށް ރޭވިފައިވާ މަޝްރޫޢެއްގެ ދަށުންނެވެ. އެހެންނަމަވެސް އެއިރު ބައެއް "ދީނީ" ބޭފުޅުންނަށް އެވަރުގެ ބަދަލެއް ނެތިގެން އުޅުއްވިއެވެ. މިއަދު މިފެންނަމުންދަނީ އެނިންމުމުގެ ޙަޤީޤީ ނަތީޖާއެވެ.
ކުއްލިއްޔާގެ ޢިމާރާތުގައި ތަނަވަސް ކުތުބުޚާނާއަކާއި އެކަށީގެންވާ ފެންވަރުގެ ޢަމަލުޚާނާތަކެއް ހުއްޓެވެ. އެތަންތަނުގައި ފުދޭ މިންވަރަށް ވަސީލަތްތައް ތަނަވަސްވެފައިހުރިކަން އެއީ އަޅުގަނޑުމެން ދުށް ޙަޤީޤަތެކެވެ. އެތަނަވަސް މާޙައުލުން ނިކަމެތިކަމުގެ ތެރެއަށް ކުދިންތައް ގެންދިއައީ ކޮންކަމަކު ކޮންބައެއްތޯއެވެ؟ ޢަރަބިއްޔާ އުވައިލުމަށް ހިންގޭ ކޮންމެ ކަމެއްގައި މިދެންނެވި މީހުންގެ ޒިންމާއެއް ހިއްސާއެއް ނޯންނާނެތޯއެވެ؟
އިސްވެ މިދެންނެވުނު މައްސަލަތައް، އެތެރެއިން ޙައްލުކުރެއްވުމަށް ނުކުޅެދުންތެރިވެ ވަޑައިގަތުމުން ޝައިޚު ޝަހީމް އެއިސްތިއުފާދެއްވީއެވެ. މިއީ އަޅުގަނޑަށް ޤަބޫލުކުރެވޭ ގޮތެވެ. ދެން ސުވާލަކީ މިކަމުން ރައްޔިތުންނަށް ލިބިގަނެވޭނެ ފިލާވަޅަކީ ކޮބައިތޯއެވެ؟ ސަރުކާރަށް ލިބޭ މެސެޖަކީ ކޮބައިތޯއެވެ؟
ރައްޔިތުންނަށް އެގެންވީ ކަމަކީ މިއީއެވެ. މިސަރުކާރުގެ ފޮރުވިފައިވާ އެޖެންޑާއެއް އެބައޮތްކަމެވެ. ޔަހޫދީ ދައުލަތާ ގުޅުން ބަދަހިކުރުމާއި، އެމީހުންގެ އެހީތެރިކަން ހޯދުމާއި، ތަޢުލީމީ އޮނިގަނޑުގެ ތެރެއަށް ހުޅަނގުގެ ފިކުރު ވެއްދުމަށް ފާޅުގައި މަސައްކަތްކުރަނީ މިދެންނެވި އެޖެންޑާ ކާމިޔާބުކުރުމަށެވެ. ދިވެހިރާއްޖޭގެ ޝަރުޢީ ނިޒާމަށް ވެރިކަން ހިންގާ ފަރާތުން ދޭ ޙަމަލާތައް މިކަމުގެ ހެކިކަމުގައި ފުދެއެވެ. ޝަރުޢީ ނިޒާމު އިޞްލާޙުކުރަން އެހީތެރިކަން ހޯއްދަވަނީ ޖަރުމަނުންނެވެ. ބޭނުމަކީ ޝަރީޢަތް ފައްސައި މިހާރަށްވުރެ ނިކަމެތި ގޮތަކަށް ޤައުމުގެ ހަފޮޅުން ބޭރުކޮށްލުމެވެ. އެހެންކަމުން ސަރުކާރުގެ ފޮރުވިފައިވާ އެޖެންޑާއާ މެދު ސަމާލުވުމަށް މި ދަނޑިވަޅުގައި މުޅި ދިވެހި ދީބު ގޮވައިލައެވެ.
ސަރުކާރަށް ލިބޭ މެސެޖަކީ ބޯމަތިވަމުން އަންނަ އެކި އިންތިޚާބުތަކުގައި ނާކާމިޔާބީއާ ކުރިމަތިލާންޖެހިދާނެ ކަމުގެ މެސެޖެވެ. މިހިގަމުން އަންނަ ކަންކަމުން ރައްޔިތުންގެ ކުރިމަތީގައި ސަރުކާރުގެ ތަޞައްވަރު ބަދަލުވަމުން ދާނެއެވެ. އެބަދަލުގެ ސަބަބުން ވޯޓުގަނޑުގައި ޖަހާ ފާހަގައަށްވެސް ބަދަލު އަންނާނެއެވެ. މިދަނޑިވަޅުގައި ސަރުކާރާ ދެކޮޅަށް ޢަދާލަތު ނުކުތުމަކީ ރައްޔިތުންގެ ކުރިމަތީގައި ސަރުކާރުގެ ކުރެޑިބިލިޓީ ނުވަތަ އިތުބާރު، ނުވަތަ ސިޔާސީ އަގު ކުޑަވެގެންދާނެކަމެވެ. އެހެންވީމައި ޝަހީމު ނުކުންނެވި މަގުން ޑރ.މަޖީދާއި ޝައިޚު ޙުސައިން ނުކުންނަވައިފިނަމަ، ސަރުކާރު އިދަޖެހިދާނެއެވެ. އެހެންކަމުން ސިޔާސަތުތައް ހެޔޮމަގަށް އަޅުވައި އިޞްލާޙީ ބަދަލެއް ރައްޔިތުންނަށް ފެންނާނެ ހިސާބަށް ގެނެސްދެއްވާށެވެ. އެހެންނޫނީ 2013ވަނަ އަހަރުގެ އިންތިޚާބުގައި ފަނުފުލުން ވަޑައިގަންނަވަން ޖެހިދާނެއެވެ.
ސަރުކާރު އެކުލަވައިލި ކޯލިޝަނުގެ ބާރުހުރި ނުފޫޒުހުރި ޕާޓީތަކުގެ ތެރެއިން ކޯލިޝަނުން ބޭރުނުވެ އޮތީ ޢަދާލަތެވެ. އެކަމަކު ޢަދާލަތާ މައްސަލަޖެހި ޢަދާލަތު ކޯލިޝަނުން ނުކުމެއްޖެނަމަ އެމްޑީޕީ އެކަނިވެރި، އެކެހެރިވެގެންވާ ޕާޓީއަކަށްވާނެއެވެ. ވެރިކަމުގައި ތިބުމަށް ދަތިވާނެއެވެ. އަދި އިދިކޮޅު ފަރާތްތަކުގެ ފިއްތުންތައް އިންތިހާއަށް މަތިވެގެންދާނެއެވެ. އެމްޑީޕީއަށް ލިބިފައިވާ ހިތްހަމެޖުހުމަކީ ޑީއާރުޕީ ބައިބައިވެފައިވުމެވެ. އެކަމަކު އެދުވަހުން އެދެބައިމީހުންވެސް އެއްގަލަކަށް އަރައި ތިޔަ ސަރުކާރު އެފުށް މުފަށަށް ޖަހަން ދިމާކޮށްފާނޫއެވެ. ރައީސް ނަޝީދެވެ. ސަމާލުވެވަޑައިގަތުން ހުއްޓެވެ. އަންނިއެވެ. ސަމާލުވުން ހުއްޓެވެ.
December 23, 2010
އެއްބަސް ހަމަ ސައްތައިން
December 23, 2010
Dhen Islamic Affairs ministry akee ves hama dhivehi sarukaaru office eh noonba? Emme kuda minun e office eba hingaathaa dheenah khidhumai kurumuga. Zimmaadhaaru nimmumekey vidhaalhu v ma hithah aranee.. Adhaalath ai folhaalaafa dhiyaima, dhen e magaamah Nasrulla noonee Zaki laifi nama dhen vaanee kihineh baa ey?! Hama gaimu ves gaanoonee sarukaareh nuvetteyne riyaasee vote nunaganees. Ehen noon nama Maumoon sarukaaru vattaalevunees.
December 23, 2010
Firaas Hageegathugai seedhaa harakaathah, sarukaaraa dhekolhah nukunnannaa adhaalath jeheynee Sarukaaruge coalition in nunkunnan. Ei ekamuge enme reethi usoolakee.
Sheikh Shaheem nukumevadaigai gathun zinmaadhaarukamuga mibunee. Ekamaku mulhi party sarukaaruge therein nukuthumah hiyvaru dheykah alhugadu beynumehnun.
Sarukaaru nuvetteyne, ekamaku sarukaarah preasure boduvaane. Vettumehnun muhinmee, muhinmee heyo magu sarukaarah dhehkun.
Thedheh islamic affairs akee sarukaaruge ethereyge muassasaaeh. E muassasaa hingaane mihaaruves fahunves. Ekamaku Sarukaarah faalhugai badhubas vidhaalhuvun kudavaanee.
Sarukaaruge siyaasathuthah imun beyruvaairuves muxaaharaaeh kohlaafa madun thibun aee tha zinmaadhaaru heyo gothakee?
Sarukaaruge ethereyga thibegen sarukaaraa idhikolhu faraaythakaa siyaasee gulhun badhahikoh akee sarukaaraa dhekolhah nukuthun aeetha zinmaadhaarugothakee?
December 25, 2010
ޝިފްޒާންގެ ބަހަށް ތާއީދުކުރެވޭ. އިސްލާމިކް މިނިސްޓްރީއަށް މިހާރު ކަމެއްކުރެވޭބާ؟ މިހާރު ތިކުރަމުންގެންދާ ކަންތައް މިޤައުމުގައި މުސްލިމުން ތިބިހާ ދުވަހަކު މިނިސްޓްރީއެއް ނެތަސް ކުރާނެ. ސަރުކާރުގަ ތިބެގެން ސަރުކާރު ޒިންމާދާރެއް ނުކުރެވޭނެ. ޢަދާލަތުން ދެން އެންމެ ރަގަޅުވާނީ ސަރުކާރުން ވަކިވުން.