ތަރުޖަމާ: ޝިފްޒާން އަޙްމަދު
ގިނަ މީހުން އެބައިމީހުންގެ ފިކުރުތަކާއި ކަންކަން މިންކުރާ އުޞޫލުތަކާއި ދިރިއުޅުމާމެދު ދެކޭ ގޮތާއި ޢާދަތަކުގެ މަތީގައި ދެމިތިބުމަށް އެދެއެވެ. އެމީހުންނަށް ހީކުރެވޭ ގޮތުގައި އެހުރިހާ ކަމަކީ އެމީހުންގެ ޝަޚުޞިއްޔަތުގެ މުހިއްމު ބައިތަކެކެވެ.
އެއީ އޭގެތެރެއިން ވަރަށް ގިނަ ކަންކަމަކީ، އިޖުތިމާޢީ ފިއްތުންތަކާއި ލިބިފައިވާ ޢިލްމާއި ފިކުރާއި ތަނަވަސްވެފައިވާ ފުރުޞަތުތަކުގެ ސަބަބުން ބިނާވެފައިވާ ނުވަތަ ލިބިގަނެވިފައިވާ ކަންތައްތަކެއްކަން ޤަބޫލުކުރާ ޙާލުގައެވެ.
އެއީ އޭގެތެރެއިން ވަރަށް ގިނަ ކަންކަމަކީ، އިޖުތިމާޢީ ފިއްތުންތަކާއި ލިބިފައިވާ ޢިލްމާއި ފިކުރާއި ތަނަވަސްވެފައިވާ ފުރުޞަތުތަކުގެ ސަބަބުން ބިނާވެފައިވާ ނުވަތަ ލިބިގަނެވިފައިވާ ކަންތައްތަކެއްކަން ޤަބޫލުކުރާ ޙާލުގައެވެ.
މިއަދު އަޅުގަނޑުމެންނަށް މިވަނީ ޒާތީ ވަރަށް ގިނަ، ހަރު ޢާދަތަކެއް ދޫކޮށްލަން ޖެހިފައެވެ. އެހެނީ އޭގެ ތެރެއިން ވަރަށް ގިނަކަންކަން ހިމެނެނީ ކުރިއެރުމަށާއި ޒަމާނުގެ ޙާލަތްތަކާ ކުރިމަތިލުމަށް ހުރަސްއަޅާ ކަންތައްތަކެއްކަމުގައެވެ. މިކަމުގައި އަޅުގަނޑު ހިއްސާކޮށްލަން ބޭނުންވާ މުހިއްމު ދެނުކުތާއެއް އެބައޮތެވެ. އެދެނުކުތާއަކީ:
ހ. ތިމާއަކީ އެހެން ހުރިހާ ކަމަކުން ދުރުވެފައިވާ އެކަހެރި ރަށެއްކަމުގައި ދުށުމަކީ، އަޅުގަނޑުމެންކުރެ ވަރަށް ގިނަ މީހުންނަށް، އަމިއްލަ ނަފްސުގެ ޙައްޤުގައި ކުރެވޭ ނުރައްކައުތެރި ކުށެކެވެ. އެފަދަ މީހާ އައު ހުރިހާ ތަކެއްޗަކަށް ނަފްރަތުކުރެއެވެ. ކިތަންމެ މުހިއްމު ބޮޑު ބަދަލެއް އަޔަސް އެކަމެއް ބަލައި ނުގަންނާނެއެވެ. އެހެންނަމަވެސް ކައުނާ މެދު ވިސްނައިފިމީހަކަށް ފެންނާނީ އެކަތި އަނެކައްޗާ ގުޅި ލާމެހިފައިވާ ގޮތެއްގައި މިކައުނު ޚަލްޤުކުރެވިފައިވާ ތަނެވެ. އަދި މިޢާންމު އުޞޫލުގެ އިމުން އިސްނާ އިސްތިސްނާވާނެ އެއްވެސް ގޮތެއްނެތެވެ. އަޅުގަނޑުމެންގެ ކިބަގައިވާ ވަކިވަކި ކޮންމެ ޞިފައަކީ އެތައްކަމެއް ގުޅިގެން އުފެދޭ ޞިފައެކެވެ. އެކުވެރިވެއުޅުމާއި، ތަނަވަސްކަމާއި، ރީތިކަމާއި، ހުނަރުވެރިކަމާއި ކަންކަން ދެނެގަތުމާއި، ވިސްނުމާއި، ހެޔޮގޮތުގެ މަތީގައި ހުރުން ފަދަކަންކަމެވެ.
މިތަކެއްޗަށް ދެގޮތަކަށް ފައުޅުވެވޭނެއެވެ. ފުރަތަމަ ގޮތަކީ ޒާތީ ފެންވަރުގައި ފައުޅުވުމެވެ. މިދަރަޖައިގައި މިންކުރުމާއި އިންކުރުމާއި، ދެނެގަތުމަކީ ކުރެވޭނެކަންކަމެވެ. ދެވަނަ ބާވަތުގެ ފާޅުވުމަށް އިޖުތިމާޢީ ފާޅުވުމޭ ދެންނެވިދާނެއެވެ. މިފިކުރު އިތުރަށް ތަފްޞީލުކޮށްދިނުމުގެ ގޮތުން އަޅުގަނޑުމެންގެ ކިބާގައި ހުރި ހުނަރުތަކާއި ޤާބިލުކަން، ނަޤުދު ފައިސާ ގަނޑަކާ އެއްގޮތް ކުރެވިދާނެއެވެ. ކަނޑައެޅިފައިވާ ވަކި މިންވަރެއްގެ އަގެއް އެގަނޑުގައި ހުންނާނެއެވެ. މިސާލަކަށް ޑޮލަރަކީ އޭގެ ޒާތުގައި އަގު ހުރި އެއްޗެކެވެ. އެހެންނަމަވެސް އެއިން ގަނެވޭނެ މިންވަރު އެއް ޤައުމުން އަނެއް ޤައުމާ ނުހަނު ތަފާތެވެ. ތިބާ ޖަޕާނުފަދަ އަގުތައް މަތި ޤައުމަކަށް ހިގައްޖެނަމަ، ޑޮލަރުން އެއްޗެއް ގަތުންވާނީ ދަތިކަމަކަށެވެ. ހަމައެފަދައިން އަފްޣާނިސްތާން ފަދަ ޤައުމަކަށް ހިގައްޖެނަމަ، ޑޮލަރަކުން ވަރަށްގިނަ ތަކެތި ގަނެވިދާނެއެވެ.
އެހެންކަމުން އަޅުގަނޑުމެން ކިބައިގައި ހުރި ހުނަރުތައް އަގުކުރާނީ އަޅުގަނޑުމެންނެއް ނޫނެވެ. އެހެންނަމަވެސް އެއަގު ކަނޑައަޅާނީ ބާޒާރުންނެވެ. ބާޒާރު މިބޭނުންކުރީ އެލަފްޒުގެ އެންމެ ތަނަވަސް މާނައިގައެވެ. ބައެއް މީހުން ބުނެފައިވާ ފަދައިންނެވެ. ވަޒީފާއަކަށް ބޭނުންޖެހިފައިވާލެއް ބޮޑުކަމާއެކުވެސް، މީގެ ތިން އަހަރުކުރީއްސުރެ ހޯދާހޯދައި ވަޒީފާގަނޑެއް ނުލިބުނުނަމަ، ލިބިފައިވާ ހުރިހާ ސަނަދުތަކަކާއި، ޙާޟިރުވީހާ ބައްދަލުވުންތަކާއި މައިންބަފައިންނާއި އަޚުން ފަޚުރުވެރިކަމާއެކު ބަލާ ބެލުމުގެ އަގަކީ ކޮބައިހެއްޔެވެ؟
އެހެންކަމުން އަޅުގަނޑުމެންކުރެ ކޮންމެ މީހެއްގެ މައްޗަށްވަނީ އެމީހެއްގެ ކިބައިގައިވާ ހުރިހާ ހުނަރުވެރިކަމެއް އެންމެ ތަނަވަސް ގޮތެއްގައި ތަރައްޤީކޮށް ކުރިއެވެ. ތަރައްޤީކުރުމާއި، ކުރިއެރުމާއި، ހިންގުންތެރިކަމާމެދު އަންތަރީސްވާފަދަ މޮޅެތި ވާހަކަތައް ދައްކާ ބައެއް މީހުން، ނާކާމިޔާބުވެފައިވާ ކުންފުނިތަކުގައި އުޅޭތަން ދުށީމެވެ. އެއީ އެމީހުންނަށް ނަތީޖާނެރުމުގެ ފުރުޞަތު ކޮންމެވެސް މިންވަރަކަށް ލިބުމާވެސް އެކުގައެވެ.
ށ. ތާރީޚުގެ ތެރޭގައި، މީސްތަކުންގެ ޙަޔާތް މަސައްކަތުގެ މައިދާނުގައި ކުރިއަރައި ދިޔައީ ޓެކުނޮލުޖީގެ ސަބަބުންނެވެ. ވަޅިއާއި ފުރޮޅުން ފަށައިގެން ގޮސް ކޯލް ބޭނުންކުރާ އާލަތްތަކާއި ކަރަންޓު އާލަތްތަކާ ހަމައަށެވެ. މިއިން ކޮންމެ އެއްޗެއްވެސް އެއްމަރުޙަލާއިން އެއަށްވުރެ ކުރިއަރާފއިވާ މަރުޙަލާއަކަށް މީސްތަކުން ގެންގޮސްދިނެވެ. މިއަދު ޓެކުނޮލޮޖީ މީސްތަކުންގެ އުންމީދުތަކާއި އެބައިމީހުންގެ އަމިއްލަ ނަފްސުތަކާމެދު ދެކޭ ގޮތް ބަދަލުކުރެއެވެ. ތަރައްޤީވެ ފުޅާވަމުންދާ މީޑިޔާއިން ވަނީ މިފަދަ އަސަރުތައް ފޯރުކޮށްދިނުމުގައި ކާމިޔާބު ހޯދާފައެވެ. ކޮންމެ ދާއިރާއަކުން ނުވަތަ ކޮންމެ މަސައްކަތެއްގައި ކުރިއަށް ދާން ބޭނުންވިޔަސް މިއަދު މިވަނީ އަމިއްލަ ވަޠަނުގެ އިމުން ބޭރުވެ، ދުނިޔޭގެ ތެރެއިން އެމީހެއްގެ މަޤާމު ހޯދަން މަސައްކަތްކުރަން ޖެހިފައެވެ. އެހެނީ ބަވަނަކުރުން، އެތެރޭގެ ފެންވަރުގައި ނުވަތަ ލޯކަލް ފެންވަރުގައި ހުރި އަހަންމިއްޔަތުތައް ޢާލަމީ ދަރަޖައަކަށް އުފުލައި ތަނަވަސްކުރަމުންދެއެވެ. މިކުރިއެރުމާއި ނިޢުމަތަށް ފުރަގަސްދޭ މީހާއަށް ނުހަނު ދެރަ ލިބޭނެއެވެ. ބޮޑު ގެއްލުން ލިބޭނެއެވެ.
މިލިޔުމުން ކިޔުންތެރިންނާ ހަމައަށް އަޅުގަނޑު އަރިސްކުރަން ބޭނުންވި މެސެޖަކީ ނުވަތަ ނަޞީޙަތަކީ ކާމިޔާބުގެ ކުންނުގައި ހުރުމަށްފަހު އެޙާލަތުން އެހެން ޙާލަތަކަށް ނަކަލުވުމަށް ތިބާ ތައްޔާރުވާށެވެ. އަޅުގަނޑުމެންގެ ފައިތިލަތަކުގެ ދަށުގައި ބިން ޙަރަކާތްތެރިވެއެވެ. އެހެންކަމުން ހުރިހާ އެއްޗެއް އެކީ ދޫކޮށްލަން ތައްޔާރު، ކޮންމެ ޙާލެއްގައިމެ ބަދަލުވުމަށް ފުރުޞަތުދޭނެ މީހަކަށް މެނުވީ އެބިމުގެ މަތީގައި ސާބިތުވެ ނުހުރެވޭނެއެވެ.
މަޞްދަރު: ޑރ.ޢަބްދުލްކަރީމް ބައްކާރުގެ ސައިޓު.
0 ޚިޔާލު!